Шавкат Мирзиёев Қозоғистон президентига ҳамдардлик билдирди
Қозоғистонда кўмир шахтасидаги портлаш оқибатида ҳалок бўлганлар сони 32 кишига етди.
Аввалроқ Қозоғистоннинг Қарағанда вилоятидаги Костенко кўмир конида портлаш содир бўлгани ҳақида хабар берилганди. Президент Шавкат Мирзиёев портлаш оқибатида кўплаб инсонлар ҳалок бўлгани ва жароҳат олгани муносабати билан Қосим-Жўмарт Тўқаевга ҳамдардлик йўллади.
Ўзбекистон Президентининг матбуот котиби Шерзод Асадовга кўра, давлат раҳбари кон ичида қолаётган ишчилар тез орада қутқарилишига умид билдирган.
Шунингдек, Қозоғистон президентига Россия, Беларус ва Озарбайжон раҳбарлари ҳам ҳамдардлик билдирган.
Эслатиб ўтамиз, аввалроқ Қосим-Жўмарт Тўқаев 29 октябрни Қозоғистонда мотам куни деб эълон қилганди. Маълумот учун, айни вақтга келиб, шахтадаги портлаш қурбонлари сони 32 нафарга етган.
