Тошкент шаҳридаги шифохоналардан бирида шифокор ва фуқароларнинг бир-бирлари билан жанжаллашаётган ҳолати акс этган видеоёзув тарқалган эди.

Бош прокуратура матбуот котиби Ҳаёт Шамсутдиновнинг хабар беришича, стул улоқтирган кишига чора кўрилган.

Айтилишича, воқеа шу йилнинг 6 ноябр куни содир бўлган. Унда 22 ёшли қиз соғлиғи ёмонлашгани учун акаси ва онаси билан Юнусобод туманидаги 7-сон клиник шифохонага борган. Беморнинг касаллиги юқумли касалликлар билан боғлиқлиги учун шифокор унга Республика юқумли касалликлар илмий текшириш институтига боришини тушунтирган. Бироқ, келишмовчилик юзага келиб, бемор йигит шифокорга қарата хонадаги стулни улоқтирган. Бундан ташқари, бемор аёл шифокорни «исқирт», «ҳайвон» дея ҳақорат қилган.

Ҳолат юзасидан Жиноят кодексининг 277-моддаси (безорилик) билан жиноят иши қўзғатилиб, ички ишлар органлари томонидан тергов ҳаракатлари олиб борилмоқда.