Шуҳрат Абдураҳмонов лавозимдан олингани ҳақидаги хабар ҳақиқатга тўғри келмайди — ЎзА
Аввалроқ ижтимоий тармоқларда у Андижон вилояти ҳокими лавозимидан озод қилингани ҳақида хабар берилганди
Андижон вилояти ҳокими Шуҳрат Абдураҳмоновнинг лавозимидан олинди, деган хабарлар ҳақиқатга тўғри келмайди. Бу ҳақда ЎзА хабар берди.
Аввалроқ Kun.uz ўз манбасига таянган ҳолда Абдураҳмонов Андижон вилояти ҳокими лавозимидан озод қилингани ҳақида хабар берганди.
Манбанинг маълум қилишича, вилоятнинг барча идора ва ташкилотлари раҳбарлари иштирокида ўтган йиғилишда Президент топшириғига биноан Абдураҳмоновнинг ҳокимлик гувоҳномаси олинган.
Андижон вилоятига шу пайтгача вилоят ҳокимининг биринчи ўринбосари, иқтисодий тараққиёт ва камбағалликни қисқартириш бошқармаси бошлиғи лавозимида ишлаб келган Дилшодбек Абдумаликович Каримов вақтинчалик раҳбар этиб тайинлангани ҳақида маълум қилинганди.
