Хориж манбаларининг хабар беришича, АҚШнинг собиқ биринчи хоними, мамлакатнинг 39-президенти Жимми Картернинг рафиқаси Розалин Картер 96 ёшда вафот этган.

Шифокорлар олдинроқ унга дементия, яъни бош миянинг органик касаллиги натижасида келиб чиққан ақлнинг пасайиши ташхисини қўйишганди. Розалин Картер 1927 йил 18 августда туғилган.

Розалин Картер Жимми Картер билан 1946 йилда турмуш қуриб, улар 77 йил давомида бирга ҳаёт кечиришган.

Маълумот учун, Жимми Картер 1977 йилдан 1981 йилгача АҚШ президенти бўлиб ишлаган. Картер Оқ уйни 1981 йил 20 январда тарк этгач, Атлантадаги Эмори университетида ўқитувчилик қилган ҳамда Картер маркази ноҳукумат ташкилотига асос солган. 2002 йилда у тинчлик учун Нобел мукофоти совриндори бўлган. У бу мукофотга халқаро ихтилофларнинг тинч ечимларини топиш ва демократияни илгари суришдаги саъй-ҳаракатларга қўшган улкан ҳиссаси учун лойиқ топилган.