Хориж манбаларининг ёзишича, Колорадо штати суди АҚШнинг собиқ президенти Доналд Трампни 2021 йилда содир бўлган Капитолий ҳужумида иштирок этган деб топган.

Шу билан бирга, суд Трампнинг 2024 йилги президентлик сайловларида иштирок этишига йўл қўймаслик ҳақидаги маълумотларни рад этган. Суд сиёсатчи тартибсизликларда иштирок этганини таъкидлаган ва адвокатларининг собиқ президентнинг сўз эркинлигини қўллаб-қувватлаши ҳақидаги далилларини қабул қилмаган.

Суд қарорига кўра, Трампнинг «исён»га алоқадорлиги унинг президентлик сайловида иштирок этишига тўсқинлик қилмайди.

Аввалроқ Мичиган штатидаги суд ҳам «АҚШнинг собиқ президенти Капитолийдаги жанжалларга қарамасдан, давлат раҳбарлигига бўладиган сайловларда қатнашиши мумкин» деган қарорга келган эди. Хабар қилинишича, Трампнинг номзоди штатнинг асосий сайлов бюллетенларида сақланиб қолади.

Эслатиб ўтамиз, Трамп мамлакат махфий ҳужжатларини сақлаб келганлиги айтилганди. Шунингдек, Трамп Россияни Қўшма Штатлардан «супер-пупер ракеталар»ни ўғирлашда айблаганди.