Экология, атроф-муҳитни муҳофаза қилиш ва иқлим ўзгариши вазирлиги тасарруфидаги «Сурхон» давлат қўриқхонасида ёввойи ҳайвонларни қиш совуғидан беталафот олиб чиқиш мақсадида қатор чора-тадбирлар амалга оширилмоқда.

Қишнинг қаҳратон совуғи ҳайвонот оламига ҳам жиддий хавф солади: баланд тоғларда ва чўл ҳудудларида яшовчи ёввойи ҳайвонлар учун емиш топиш қийинлашади. Уларни асраб қолиш мақсадида «Сурхон» давлат қўриқхонасининг «Хатак» бўлимида, ҳайвонлар кўп учрайдиган ҳудудларда туз ва ем каби маҳсулотлар қўйиб чиқилган

• Маълумот учун, ўсимликларда ҳайвонлар томонидан истеъмол қилинадиган оз миқдорда туз мавжуд. Қишда ўсимликлар ва тупроқда етарли миқдорда туз бўлмаганлиги сабабли ҳайвонлар керакли миқдордаги витаминларни олмайдилар.