Сурхондарё вилояти Бойсун туманида яшовчи 33 ёшли Ғ.С. ноқонуний йўллар билан бойлик орттириш мақсадида майнинг фермасини ташкил қилгани аниқланди.

Ферма туман электр тармоқлари билан шартнома тузмасдан, 2 дона фаол майнинг қурилмаларини ўрнатиб, электр тармоғидан ноқонуний фойдаланиши оқибатида 276 млн 480 минг сўм миқдорда моддий зарар етказгани маълум бўлди.

Мазкур ҳолат юзасидан Ғ.С.га нисбатан Жиноят кодексининг 169-моддаси 2-қисми «д» банди билан жиноят иши қўзғатилиб, тергов, тезкор-қидирув ҳаракатлари давом эттирилмоқда. Қонунга мувофиқ, Ўзбекистон Республикаси Жиноят кодексининг 169-моддаси 2-қисми «д» бандидаги жиноий хатти-ҳаракатлар учун 3 йилдан 5 йилгача озодликдан маҳрум қилиш жазоси назарда тутилган