Сув хўжалиги вазири Шавкат Ҳамроевга икки нафар ўринбосар тайинланди. Бу ҳақда вазирлик сайтида маълумот пайдо бўлди.

Қайд этилишича, Тимур Бутунбаев 27 февралдан вазирнинг биринчи ўринбосари этиб тайинланди. У 1986 йил 6 ноябрда Сирдарё вилояти Гулистон шаҳрида туғилган. Меҳнат фаолиятини 2009 йилда Тошкент шаҳри Яшнобод тумани ИИБ терговчиси сифатида бошлаган. 2010−2017 йилларда ИИВнинг турли лавозимларида ишлаган. 2018−2024 йилларда Президент Администрациясида масъул лавозимларда фаолият юритган.

Шунингдек, Ҳабибулла Қувондиқов сув хўжалиги вазирининг ўринбосари этиб тайинланди. У 1978 йил 13 июлда Қарши шаҳрида туғилган. 1999 йилда Тошкент молия институтини, 2006 йилда президент ҳузуридаги Давлат ва жамият қурилиши академияси Олий бизнес мактабини тамомлаган.

2022 йилда у Wall Street Consult компаниясида молиявий маслаҳатчи лавозимида ишлаган, 2023-2024 йилларда эса муҳандислик иншоотларини қуриш билан шуғулланувчи УЭТ Cонструcтион компанияси директори лавозимида ишлаган.