Telegram’нинг пулли Premium обунасида фойдаланувчилар учун янги реакциялар ишга тушади. Бу ҳақда «Telegram Info» хабар берди.

Айни пайтда мессенжер фойдаланувчиларига пуллик асосда еттита анимацион реакция тақдим этилади. Қўшимча реакциялар орасида «кит», «каптар», «масхарабоз», «ёқмайдиган юз», «ОК ишораси», «юракча кўзли эможи» ва «бош айланиши» кулгичи мавжуд.

Шу билан бирга, Telegram маъмурияти ва Павел Дуров ҳалигача Premium обунаси ҳақида ҳеч қандай маълумот бермаган, бу ҳақдаги биринчи маълумотлар интернетда 2022 йил баҳорида пайдо бўлган. Тахминларга кўра, пуллик тариф обуначилари қўшимча реакциялар ва анимацион кулгичлардан ташқари, рекламаларни ўчириш имконига эга бўлади. Обуна нархи ва унинг пайдо бўлиш вақти номаълумлигича қолмоқда.

Аввалроқ Telegram’да пулли функция ишга тушиши ҳақида хабар берилганди. Шунингдек, Қозоғистонда WhatsApp, Facebook ва Telegram фаолияти чекланиши мумкинлиги маълум қилинган.