Бугун, 7 ноябр тонгида Тошкент ҳавосининг ифлосланиши бўйича дунёнинг йирик шаҳарлари орасида бешинчи ўринни эгаллади. Бу борада онлайн индексни IQAir порталида маълум қилинган.

IQAir порталига кўра, соат 07:00 атрофида Тошкент ҳавосида майда PM-2,5 дисперс зарраларининг концентрацияси 100 мкг/м3ни ташкил этган – бу «зарарли» таснифидаги кўрсаткич ҳисобланади.

• Рейтингда 1-ўринни Покистоннинг Лаҳор шаҳри эгаллаган – PM-2,5 дисперс зарраларининг концентрацияси 347 мкг/м3.
• Ҳиндистоннинг Деҳли шаҳри 2-поғонада – 342 мкг/м3. Учликка Ҳиндистоннинг Калкутта шаҳри якун ясади – 222 мкг/м3.
• Бангладеш пойтахти Дакка тўртинчи ўринни эгаллаган бўлса (188 мкг/м3), Ўзбекистон пойтахти Тошкент бешинчи поғонадан жой олган (174 мкг/м3).

Шунингдек, рейтингда кейинги ўнталик ўринларини Ҳиндистоннинг Мумбай, Покистоннинг Карачи, Ироқнинг Бағдод, Ветнамнинг Хошимин ва Индонезиянинг Жакарта шаҳарлари банд қилган.

Жаҳон соғлиқни сақлаш ташкилотига кўра, ҳаво ифлосланиши кўрсаткичлари орасида саломатлик учун энг катта хавф туғдирадигани айнан PM-2,5 дисперс зарраларидир.

Эслатиб ўтамиз, аввалроқ, Тошкентда ҳавонинг ифлосланиш даражаси юқорилигича қолаётгани маълум қилинганди.