Тошкент шаҳри Яшнобод туманидаги Иззат кўчасининг бир қисми куз-қиш мавсумига тайёргарлик кўрилаётгани сабабли 10 октябрдан 30 октябргача транспорт ҳаракати учун ёпилади. Бу ҳақда Veolia Energy Tashkent компанияси хабар берди.

Мазкур давр мобайнида кўчанинг маълум қисмида ҳаракатланувчи 22, 28, 61, 127-сонли автобус йўналишлари вақтинча ўзгартирилади.

Ашраф ва Иззат кўчалари чорраҳасидан Бирлашган ва Иззат кўчалари чорраҳасигача диаметри 600 миллиметр ва узунлиги 60 метр бўлган қувурлар алмаштирилади.

Автомобил қатнов йўли Ашраф ва Иззат кўчалари чорраҳасидан Бешариқ ва Иззат кўчалари чорраҳасигача ёпилади.

Тармоқ қувурларини ўтказиш ишлари истеъмолчиларга иссиқ сув таъминотини чекламаган ҳолда амалга оширилади.

Аввалроқ Тошкентда ичимлик сувининг нархи 4 бараварга ошиши мумкинлиги ҳақида хабар қилинганди.