«Тошкент метрополитенининг ер усти йўли бекатларига ном бериш тўғрисида»ги қабул қилинган Ҳукумат қарорига кўра, Тошкент метрополитени «Ўзбекистон мустақиллигининг ўттиз йиллиги» ер усти метро ҳалқа йўлининг «Дўстлик – Қўйлиқ» йўналиши 1–14 бекатларига, «Чилонзор» йўлининг «Олмазор – Сергели» йўналиши 1–5 бекатларига (жами 19 та бекат) ном берилди.

Эндиликда «Дўстлик – Қўйлиқ» йўналишининг 14 та бекати қуйидаги номлар билан аталади:

1. Технопарк бекати;
2. Яшнобод бекати;
3. Тузел бекати;
4. Олмос бекати;
5. Роҳат бекати;
6. Янгиобод бекати;
7. Қўйлиқ бекати;
8. Матонат бекати;
9. Қиёт бекати;
10. Толарик бекати;
11. Хонобод бекати;
12. Қурувчилар бекати;
13. Турон бекати;
14. Қипчоқ бекати.

Шунингдек, «Чилонзор» йўлининг «Олмазор – Сергели» йўналишидаги 5 та бекати қуйидагича:

1. Чоштепа бекати;
2. Ўзгариш бекати;
3. Сергели бекати;
4. Янгиҳаёт бекати;
5. Чинор бекати.

Аввалроқ Тошкент шаҳар ҳокимияти томонидан geonom.tashkent.uz сайти ишга туширилиб, у орқали пойтахт метросининг янги қурилган 19 та бекатига ном танлаш бўйича аҳоли таклифларини йиғиш бошланганди. 19 декабрда жараён якунланиб, 2 мингга яқин таклифлар махсус ишчи гуруҳ томонидан сараланиб, ҳар битта бекат учун учтадан ном саралаб олингани маълум қилинганди.