Пойтахтда жамғарма соврини 600 000 000 сўмлик «Zakovat-Gambit» финали бошланди.

Тошкентда «Zakovat-Gambit» турнирининг финал босқичи бошланди. Бу йил учинчи бор ўтказилаётган ушбу мусобақада тўрт мингдан ортиқ иштирокчилар орасидан энг кучлилари ғолиблик учун дона суради.

Анъанага кўра, мусобақага бу йил ҳам жаҳоннинг энг машҳур шахмат усталари таклиф этилди. Шахмат олимпиадасининг уч карра ғолиби Владимир Крамник, аёллар ўртасида тўрт карра жаҳон чемпиони Хоу Ифан мусобақа қатнашчилари учун мастер-класс ва ҳаяжонли шахмат сеансларини ўтказдилар.

«Zakovat-Gambit» турнири Давлат раҳбарининг алоҳида эътиборидан кейин сўнгги йилларда нуфузи ортиб кетган «Заковат» клубининг ташаббуси бўлиб, мамлакатимизда ёшлар ўртасида шахмат спорт турнирини оммалаштиришга улкан ҳисса қўшмоқда.