Тошкент шаҳрининг Яшнобод ва Мирзо Улуғбек туманларидаги айрим жойларда 10 январ куни электр таъминоти вақтинча ўчирилади. Бу ҳақда «Ҳудудий электр тармоқлари» АЖ Тошкент шаҳар филиали хабар берди.

Компания электр таъминотининг узилиши истеъмолчиларга сифатли ва барқарор электр энергияси етказиб берилишини таъминлаш, электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида қилинаётганини маълум қилган. Унга кўра, қуйидаги ҳудудларга электр узатилмайди:

• Яшнобод тумани: «Наврўзобод» МФЙнинг айрим ҳудудларида соат 09:00 дан 17:00 гача;
• Мирзо Улуғбек тумани: «Иқтидор» МФЙнинг айрим ҳудудларида соат 09:00 дан 16:00 гача.

Шу билан бирга, «Ҳудудий электр тармоқлари» АЖ Тошкент шаҳар филиали таъмирлаш ишлари белгиланган вақтдан олдинроқ якунланиши мумкинлигини айтиб ўтган.