Тошкент шаҳрининг Сергели туманида жойлашган чойхонада бир гуруҳ шахслар қимор ўйнаётганликлари маълум бўлди.

Олиб борилган тадбирларда чойхона кўздан кечирилиб, қимор ўйинларида фойдаланиладиган ошиқ суяклар, ўйин карталари, пластик чашкалар, сочилган ҳолда ётган 1800 АҚШ доллари ва 755 минг сўм пуллар ашёвий далил сифатида расмийлаштириб олинган.

Маълум бўлишича, қимор ўйинларини ўтказиб келган киши қўлга олинган. Пойтахтнинг Чилонзор туманида яшовчи ушбу фуқаро доимий тарзда бу каби ўйинларни ташкил қилиб келган.

Ҳолат юзасидан унга нисбатан Жиноят кодексининг 278-моддаси (қимор ва таваккалчиликка асосланган бошқа ўйинларни ташкил этиш ҳамда ўтказиш) билан жиноят иши қўзғатилиб, тергов ҳаракатлари олиб борилди.

2023 йилнинг октябр ойида жиноят ишлари бўйича Сергели туман суди унга 4 йил 11 ой муддатга озодликдан маҳрум қилиш жазосини тайинлади.