Тошкентда тезкор шахмат бўйича жаҳон чемпионати ўтказилади
Молиявий масалалар ўз ечимини топса, чемпионат шу йилнинг декабр ойида бўлиб ўтиши айтилган.
ЎзА берган маълумотларга кўра, Тошкент шаҳрида шахматнинг тезкор (рапид) йўналиши бўйича жаҳон чемпионати ўтказилиши мумкин.
Унга кўра, яқинда FIDE комиссияси вакиллари Тошкентга келиб, тегишли мажмуалар, зарур объектлар билан танишишган. Республиканинг ушбу чемпионатга ташкилий жиҳатдан тайёрлиги таъкидланган.
Шунингдек, бу борада молиявий масалалар ўз ечимини топса, тезкор шахмат бўйича навбатдаги жаҳон чемпионати шу йил декабр ойининг сўнгги кунларида уюштирилиши айтилган.
Эслатиб ўтамиз, аввалроқ Ўзбекистон терма жамоаси шахмат бўйича жаҳон чемпионати финалига чиққанлиги ҳақида хабар берилганди. Шунингдек, ўзбек шахматчилари Нодирбек Абдусатторов Нидерландиядаги мусобақада 2-ўринни, Жавоҳир Синдоров эса 3-ўринни эгаллаганди.
