19:46 | 04.11.23 913
Тошкентдаги кўприклардан бири транспорт воситалари учун вақтинча ёпилди
Шунингдек,«Ўзбекистон ҳаво йўллари» йўловчиларни огоҳлантирган.
Тошкент халқаро аэропортини пойтахтнинг Бобур кўчаси билан боғловчи кўприк шу йилнинг 4 ноябр куни соат 19:00 дан 5 ноябр соат 09:00 га қадар транспорт воситалари ҳаракати учун ёпилди. Бу ҳақда Uzbekistan Airports хабар берди.
Унда рейсларга кечикмаслик учун йўловчиларга айланма йўллардан фойдаланиш ҳамда аэропортга одатдагидан олдинроқ келиш тавсия этилган.
Эслатиб ўтамиз, аввалроқ Президент Мирзиёев пойтахтда транспорт инфратузилмасини ривожлантириш ишлари билан танишиш жараёнида Тошкент халқаро аэропортида бўлиб, биноларнинг куз-қиш мавсумига тайёргарлигини ҳам кўздан кечирганди.
