Тошкентдаги олтита автобуснинг ҳаракат йўналишига ўзгартириш киритилди – рўйхат
24-25 октябрдан бошлаб автобуслар ўзгарган йўналишларда ҳаракатланади.
2023 йил 24-25 октябр кунларидан бошлаб Тошкент шаҳрида йўловчиларга кўрсатилаётган транспорт хизматлари сифатини яхшилаш мақсадида 56, 60, 95, 16, 103 ва 148-сонли автобус йўналиши ҳаракати ўзгартирилган йўналиш билан ҳаракатланади, дея «Тошшаҳартрансхизмат» матбуот хизмати хабар берди.
16-сонли «Наврўз бозори – Тошкент вокзали» автобус йўналишининг ҳаракати Наврўз бозоридан ТТЗ АШБгача узайтирилади;
60-сонли «Электрокабел заводи – Тошкент МУМ» автобус йўналишининг ҳаракати икки томонлама Шахрисабз кўчасидан А.Темур, И.Каримов кўчалари орқали ўзгартирилади;
103-сонли «Дўмбирабод мавзеси – Чорсу савдо маркази» автобус йўналишининг ҳаракати Дўмбирабод мавзесидан Чилонзор буюм бозори АШБгача узайтирилади;
95-сонли «Юнусобод 15-даҳаси – Авиасозлар АШБ» автобус йўналишининг ҳаракати икки томонлама Паркент, Кичик ҳалқа йўли, Катта Дархон, Оққўрғон, Осиё кўчалари орқали ўзгартирилади;
56-сонли «Тарихтешар маҳалласи – Чорсу савдо маркази» автобус йўналишининг ҳаракати бир томонлама Фурқат ва А.Навоий кўчалари кесишмасида ташкил этилган янги чорраҳа орқали Чорсу савдо марказига чапга ҳаракатланган ҳолда ўзгартирилади;
148-сонли «Миришкор маҳалласи – Тошкент вокзали» автобус йўналишининг ҳаракати Миришкор маҳалласидан Олмос маҳалласи ҳудудигача узайтирилади.
