10:23 | 07.11.23 753
Тошкентнинг учта туманида газ вақтинча ўчирилиши айтилди — рўйхат
Ушбу ҳудудларга газ уч соатдан етти соатгача вақт оралиғида етказиб берилмайди.
«Ҳудудгаз Пойтахт» ГТФ нинг хабар беришича, бугун, 7 ноябр куни Тошкент шаҳридаги Сергели, Яккасарой ва Шайхонтоҳур туманларининг бир нечта ҳудудларига табиий газ етказиб бериш таъмирлаш ишлари туфайли вақтинча тўхтатилади.
- Сергели туманининг «Бунёдодоб» ва «Янги Бунёдкор» МФЙ ҳудудларида соат 11:00 дан 16:00 гача;
- Яккасарой туманининг «Ю.Ражабий» МФЙ ҳудудида соат 11:00 дан 18:00 гача;
- Шайхонтоҳур тумани Лабзак кўчасида соат 11:00 дан 14:00 гача.
Маълумот учун, таъмирлаш ишлари тугатилгандан сўнг, табиий газ таъминоти қайта тикланади.
Эслатиб ўтамиз, аввалроқ Ўзбекистонда газ ва нефт қазиб олиш ҳажмининг қисқариши янада тезлашгани ҳамда Самарқандда тўққизта кўп қаватли уйда табиий газдан ноқонуний фойдаланиш ҳолати аниқлангани ҳақда хабар берилганди.
