Туркиялик меъмор ва ҳунарманд Мелек Зейнеп Булутнинг OpenWork оператив ва экспериментал инсталляцияси Истанбулдаги Отатурк маданият марказида (АКМ) Республиканинг 100 йиллиги тантаналари доирасида намойиш этилади.

Туркияда илк бор намойиш этилаётган OpenWork, Туркия Маданият ва туризм вазирлигининг махсус таклифи билан Отатурк маданият марказида бўлиб ўтади. Концептуал ва мавҳум асар бўлган инсталляция эшик метафораси орқали дунёнинг машаққатини очиб беради. Асарда акс-садо таратадиган овозли юзалар инсонни чуқур ўйга толдиради. Шунингдек, у ташриф буюрувчиларни улар яшаётган ватан ва ўзгарувчан инсоний ҳолатларни муҳокама қилишга ундайди. Инсталляция ёрдамида ташриф буюрувчилар намойиш этилаётган санъат асарининг бир қисмига айланади.

Инсталляция Лондондаги Somerset House’нинг очиқ майдонида намойиш этилди ва 2023 йил июн ойида Лондон дизайн фестивалида 47 мамлакатдаги 22 та университетнинг аризалари орасидан танлаб олинган жамоат мукофоти билан тақдирланди. Бундан ташқари, инсталляция Лондон дизайн фестивалининг 20 йиллигига бағишланган махсус танловига киритилган бўлиб, Темза дарёсидаги Лондон силуэтида намойиш этилди. OpenWork шунингдек, Лондон дизайн фестивали 2023 Қизил китобда сўнгги 20 йилнинг энг таъсирли асарлари қаторига киритилган. Бу тоифадаги ҳакамлар ҳайъати таркибига кўплаб етакчи шахслар ва ташкилотлар, жумладан, Лондон мери ва Виктория&Алберт музейи киради.

OpenWork Лондондаги Лондон Дизайн фестивалида дебют қилганидан сўнг Истанбулда катта шов-шув билан кутиб олинди. OpenWork инсоният тарихини шакллантирган куч, чегара ва ижтимоий иерархия маъноларини ўрганади. Ўзининг монументал жойлашуви ва ўлчами билан ажралиб турадиган инсталляция, ташриф буюрувчиларнинг ушбу экспериментал макон билан ўзаро уйғунлигини таъминлайди. OpenWork’нинг архитектура ва акустика бўйича маслаҳатчилигини Желаледдин Челик, муҳандислик ва структура бўйича маслаҳатчилигини эса, доцент Меҳмет Селим Ўктен ва унинг жамоаси масъулиятни ўз зиммасига олди.

Мелек Зейнеп Булут архитектура, ҳайкалтарошлик, психология ва хулқ-атвор фанларини синтез қилувчи, мавҳум ва конкрет тажрибалар билан таҳлил қилишга қаратилган асарлар яратади.

OpenWork 19 ноябргача Истанбул, Беёғлудаги Отатурк маданият маркази (АКМ) қаршисида зиёратчилар учун очиқ бўлади.