Ўзбекистонда Экология атроф-муҳитни муҳофаза қилиш ва иқлим ўзгариши вазирлиги кўмагида ўзбек тилида сўзлашувчи Wikimedia гуруҳи ва рус Викигидлар ҳамжамияти томонидан ташкил этилган Wiki loves monuments халқаро фототанловида Ўзбекистон маданий меросига оид 4 мингга яқин фотосурат тақдим этилди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги матбуот хизмати хабар берди.

Wiki loves monuments сентябр-октябр ойларида ўзбекистонлик Викимедиачилар томонидан ўтказиладиган йиллик халқаро фототанлов бўлиб, ундан тарихий-маданий меросга эътибор қаратиш мақсад қилинган.

Таъкидланишича, Ўзбекистондаги иштирокчилар ҳам бу танловга катта қизиқиш билдирган. Танлов доирасида 59 нафар иштирокчи Wikimedia Commons’га 3950 та расм, жумладан, мамлакат маданий меросининг ноёб ёдгорликлари суратларини жойлаган. Унда Ўзбекистон 46 та давлат ичида 14-ўринни эгаллаган. Ҳозирда халқаро ҳакамлар ҳайъати томонидан расмларни баҳолашнинг биринчи босқичи бошланган. Натижалар тез орада қуйидаги ҳавола орқали эълон қилинади:

https://commons.wikimedia.org/wiki/Commons:Wiki_Loves_Monuments_2023_in_Uzbekistan/Resu