Божхона қўмитаси берган маълумотларга кўра, Ўзбекистон шу йилнинг январ-октябр ойларида 19 та хорижий давлатдан 22 минг 492 та электромобил импорт қилган.

Импорт қилинган электромобилларнинг умумий қиймати 582,3 миллион долларни ташкил этган. Бу эса ўтган йилнинг мос даврига нисбатан олти баробардан кўп келтирилганини кўрсатади.

Маълумот учун, Хитойдан ўтган 10 ой ичида жами 20 минг 642 дона электромобил олиб келинган. Биргина ушбу мамлакатдан келтирилган машиналар умумий импортнинг 91 фоизини ташкил қилган. Натижада, Хитой Ўзбекистонга электромобиллар импорти бўйича етакчиликни сақлаб қолган.

Шунингдек, Гонгконгдан 1 258 дона, Бирлашган Араб Амирликларидан 147 дона, Жанубий Кореядан 136 та ҳамда АҚШдан 134 дона электромобил импорт қилинган.

Эслатиб ўтамиз, аввалроқ Ўзбекистонга қайси давлат энг кўп телефон экспорт қилгани ҳақда хабар берилганди.