Ўзбекистон «Очиқ Гендер маълумотлар индекси»да энг яхши 20 та мамлакат орасидан жой олди
Индекс 35 та статистик тоифадаги 11 та кўрсаткичнинг мавжудлигига асосланади ва бутун дунё бўйлаб гендер маълумотларининг мавжудлиги ва очиқлигини баҳолайди.
Ўзбекистон Open Data Watch ташкилотининг сўнги ҳисоботида «Очиқ Гендер маълумотлари индексида» 69,7 балл тўплаган ҳолда жаҳондаги энг яхши 20 та мамлакат орасидан жой олди. Бу ҳақда Статистика агентлиги хабар берди.
Қайд этилишича, индекс 35 та статистик тоифадаги 11 та кўрсаткичнинг мавжудлигига асосланади ва бутун дунё бўйлаб гендер маълумотларининг мавжудлиги ва очиқлигини баҳолайди.
Ўзбекистонда гендер статистикасини юритиш бўйича Статистика агентлиги ваколатли орган бўлиб, агентликда гендер статистикасини йиғиш, қайта ишлаш ва таҳлил қилиш бўйича алоҳида бўлинма ташкил этилган.
Агентлик томонидан юритиладиган gender.stat.uz сайтининг барча бўлимларида эса бугунги кунда 180 дан зиёд гендер статистикасига оид кўрсаткичлар 3 та тилда, 5 хил форматда жойлаштириб борилади.
Эслатиб ўтамиз, Ўзбекистон дунёдаги энг кучли паспортлар рейтингидан пастлаганди.
