Индонезияда бўлиб ўтаётган ўсмирлар ўртасидаги жаҳон чемпионати U-17 нинг чорак финалида Франция-Ўзбекистон жуфтлиги баҳслари бўлиб ўтди. Учрашувнинг биринчи бўлими қизғин ўйинларга бой бўлди. Аммо ҳисоб очилмади. Ўзбекистон футболчиларидан Беҳруз Шукруллаев бўлимнинг 21-дақиқасида сариқ карточка олди.

Ўйиннинг иккинчи бўлими жамоалар ажойиб ўйин кўрсатишди ва қизғин баҳснинг 83-дақиқасида Франция аъзоси Бунеб томонидан киритилган гол эвазига Ўзбекистон чемпионатни якунлашга мажбур бўлди.

Шу тариқа, Ўзбекистон тарихда иккинчи марта жаҳон чемпионатининг 1/4 баҳсларида ютқазди. 2011 йилда ҳам баҳслар айнан чорак финалда якун топганди.

Маълумот учун, чорак финал баҳсларининг навбатдаги жуфтлиги Мали ҳамда Марокаш жамоалари бўлади. Ярим финал баҳслари эса 28 ноябр куни ўтказилади. Унда Аргентина Германия билан баҳслашса, Франция Мали-Марокаш жуфтлиги ғолибига қарши майдонга тушади.

Эслатиб ўтамиз, Ўзбекистон Англия терма жамоасини мағлуб этиб, чорак финалга йўл олганди.