ФВВ Сейсмопрогностик мониторинг Республика марказининг хабар қилишича, Ўзбекистонда зилзила қайд этилган.

Айтилишича, зилзила бугун, 11 ноябр куни маҳаллий вақт билан соат  22:43 да (Гринвич бўйича 11 ноябр соат 17:43) да рўй берган. Ер ости силкинишининг магнитудаси — 3,2 баллни ташкил этган. Чуқурлик 10 километр бўлиб, зилзила эпицентри Тошкентдан 532 километр жануби-ғарбда кузатилган.

Зилзила Бухоро вилоятининг Қоракўл туманида сезилган. Олдинроқ, вилоятнинг Пешку туманида ҳам ер силкиниши кузатилиб, магнитуда 4,7 баллни ташкил қилганди.

Эслатиб ўтамиз, аввалроқ Марокашда 6,8 магнитудали зилзила содир бўлиб, зилзила қурбонлари сони 632 кишига етганди. Бундан ташқари, Ҳиндистон ва Непал чегарасида ҳам 6,4 балли зилзила кузатилганди.