Ўзбекистонда 2023 йил давомида ФҲДЁ органлари томонидан жами 968 минг 140 нафар чақалоқ туғилгани қайд этилган. Улардан 501 минг 577 нафари ўғил болалар, 466 минг 563 нафари қиз болалардир.

Давлат хизматлари агентлигининг берган статистикасига кўра, ўтган йил мобайнида болаларга энг кўп Муҳаммадали ва Солиҳа исмлари қўйилган.

Шунингдек, 2023 йилда республика бўйича жами 283 минг 788 та никоҳ қайд этилган. 85 минг 279 нафар аёл турмуш ўртоғининг фамилиясини қабул қилган.

Аввалроқ, 2024 йилнинг илк кунида Ўзбекистонда туғилган эгизаклар ва жами чақалоқлар сони очиқланди.