ФВВ Сейсмопрогностик мониторинг Республика марказининг хабар қилишича, Ўзбекистонда зилзила қайд этилган. Айтилишича, зилзила бугун, 13 декабр куни маҳаллий вақт билан соат 10:13 да (Гринвич бўйича 05:13 да) да рўй берган. Ер ости силкинишининг магнитудаси – 4,2 баллни ташкил этган. Чуқурлик 10 километр бўлиб, зилзила эпицентри Тошкентдан 306 км жануби-ғарбда кузатилган.

Ўзбекистон ҳудудида сезилиш кучи Хатирчи туманида 3-4 балл, Навбаҳор туманида 3 балл, Навоий шаҳрида 2 балл, Нарпай туманида 2 балл, Каттақўрғон туманида 2 балл, Нурота туманида 2 балл, Пахтачи туманида 2 балл, Кармана туманида 2 балл, Қўшработ туманида 2 баллни ташкил этган.

Эслатиб ўтамиз, аввалроқ Бухоро вилоятининг Пешку туманида зилзила кузатилган эди.