«Ўзгидромет» 9-10 сентябр кунлари кузатиладиган об-ҳаво маълумотини эълон қилди.

Маълум қилинишича, дам олиш кунлари мамлакатнинг катта қисмида ҳаво иссиқ ва қуруқ бўлади. Ҳарорат шанба куни +30…+35 даража, якшанба куни +32…+37 даража, жанубда ва чўл ҳудудларда +39 даражагача бўлади.

Дам олиш кунлари шимоли-ғарбий ҳудудларда об-ҳаво ёмонлашиши кутилмоқда. Қорақалпоғистон Республикаси, Хоразм вилоятида ва Навоий вилоятининг шимолида вақти-вақти билан ёмғир ёғади, момақалдироқ бўлиши мумкин. Баъзи жойларда шамол тезлиги 15-20 метр/секундгача кучайиши прогноз қилинмоқда. Ҳаво ҳарорати +22…+27 даражагача пасаяди.

Пойтахт Тошкентда 8 сентябр куни ҳаво бироз булутли бўлади, куннинг биринчи ярмида қисқа муддатли ёмғир ёғиши мумкин. Шамол шарқдан 5-10 метр/секунд тезликда эсиб, 12-14 метр/секундгача кучайиши мумкин. Ҳарорат +30…+32 даража бўлади.

Дам олиш кунлари ҳаво асосан бироз булутли бўлади, ёғингарчилик кутилмайди. Ҳарорат шанба куни +30…+32 даража, якшанба куни +35…+37 даража бўлади.