Статистика агентлиги июн ойи учун Ўзбекистон ҳудудларидаги ош марказларида сотилган паловнинг ўртача нархларини маълум қилди.

Унга кўра, ўрта ҳисобда энг арзон ошнинг бир порцияси Фарғона вилоятида бўлиб, у 19 200 сўмга баҳоланган. Энг қиммат ош эса Тошкентда – бир порция учун нархи 29 000 сўм этиб белгиланган.

1 порция ошнинг ўртача нархи вилоятлар кесимида қуйидагича:

• Қорақалпоғистон Республикаси – 20 800 сўм;
• Андижон вилояти – 22 200 сўм;
• Бухоро вилояти – 24 400 сўм;
• Жиззах вилояти – 23 200 сўм;
• Қашқадарё вилояти – 24 200 сўм;
• Навоий вилояти – 20 400 сўм;
• Наманган вилояти – 19 800 сўм;
• Самарқанд вилояти – 25 200 сўм;
• Сурхондарё вилояти – 24 800 сўм;
• Сирдарё вилояти – 23 200 сўм;
• Тошкент вилояти – 21 800 сўм;
• Хоразм вилояти – 22 800 сўм;
• Тошкент шаҳри – 29 000 сўм.

Агентлик нархлар ҳақидаги маълумотларда танлаб олинган умумий овқатланиш муассасалари — Ош марказларидаги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаганини қайд қилган.