Ўзбекистонда саноат ишлаб чиқариши 5,7 фоиз (-0,1 фоиз)гача камайган. Бу ҳақда Статистика агентлиги матбуот хизмати хабар берди.

Унга кўра, 2023 йилнинг cентябр ойида 3 миллиард 771 миллион метр/куб қазиб олиниб, унинг ҳажми 2022 йилнинг cентябр ойига нисбатан 426,7 миллион метр/куб, 2023 йилнинг августига солиштирганда эса 153,4 миллион метр/куб кам газ ишлаб чиқарилган. Натижада, газ қазиб олишнинг йиллик қисқариши 3 миллиард 687 миллион метр/кубга етган.

Шунингдек, нефт қазиб олиш ҳам қисқариб, ўтган йилнинг cентябрига нисбатан 4,2 минг тонна кам «қора олтин» қазиб олинган.

Бундан ташқари, дизел ёқилғиси ишлаб чиқариш ўтган йилнинг cентябрига нисбатан 51,1 минг тоннага камайган. Cентябр ойида электр энергияси ишлаб чиқаришида ҳам камайиш қайд этилиб, 5 миллиард 217,1 миллион киловатт/соат ёки 106,6 миллион киловатт/соат камроқ электр генерацияси амалга оширилган.

Маълумот учун, ўтган ойда кўмирни ер остида газга айлантириш орқали газ олиш яна бошланганди. Аммо олинган газ миқдори ўтган йилниинг тегишли ойига нисбатан 94 фоизга кам бўлган. Бироқ, кўмир қазиб олиш рекорд даражада янгиланган ва 685,6 минг тонна ёки ўтган йилниинг cентябрига нисбатан 43,8 фоиз кўпроқ кўмир қазиб олинган.