Бугун, 14 ноябр куни ижтимоий тармоқларда Ўзбекистон банкларига хакерлар ҳужум қилгани ва Humo карталардан йирик миқдорда пул ечиб олинаётгани ҳақида хабарлар тарқалди.

Миллий банклараро процессинг маркази маълумотига кўра, ушбу маълумотлар тасдиғини топмаган. Humo тўлов тизимида барча хавфсизлик талабларига жавоб бериши ва тизимга бевосита ҳеч қандай киберҳужум содир бўлмаган.

«Шунингдек, ижтимоий тармоқлар фаолларидан текширилмаган ва ёлғон маълумотларни тарқатмасликни сўраймиз, Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд», – дейилган муносабатда.

Аввалроқ, Ўзбекистонда HUMO банкоматлари вақтинчалик ўчириб қўйилиши ҳақида хабарлар тарқалганди.