Ўзбекистон мактабларида ўқитиладиган рус тили фанидан мактаб дарслигида казино рекламаси аниқлангани ҳақида хабарлар ижтимоий тармоқларда тарқалди.

Мактабгача ва мактаб таълими вазирлиги матбуот хизматининг хабар беришича, 2022 йилда чоп этилган 10-синф рус тили дарслигидаги QR-код ҳаволаси шу пайтга қадар тўғри бўлган ва дарс топшириқларига йўналтирган.

Кейинчалик, QR-кодга боғланган сайт бузиб кирилганлиги мутахассислар томонидан тасдиқланган.

Вазирлик томонидан 10-синф рус тили дарслигидаги машқларни бажариш учун QR-код орқали кирилганда пайдо бўлаётган «онлайн казино» ҳаволасига кириш имкониятини чеклаш бўйича тегишли соҳа ташкилотларига мурожаат қилинган.