Президент томонидан имзоланган Қонун билан Туркий инвестиция жамғармасини таъсис этиш тўғрисидаги Битим ратификация қилинди. Бу ҳақда Адлия вазирлиги матбуот хизмати хабар берди.

Қонунга кўра, Ўзбекистон Тикланиш ва тараққиёт жамғармасининг маблағлари Ўзбекистоннинг Туркий инвестиция жамғармасидаги улушини Битимда назарда тутилган муддатларда шакллантириш, шу жумладан унинг бошланғич капиталидаги 2 000 та акцияга обуна бўлиш билан боғлиқ харажатларни молиялаштириш манбаи эканлиги белгиланган.

Инвестициялар, саноат ва савдо вазирлиги Битимнинг бажарилиши учун масъул ваколатли орган этиб, Марказий банк Битим бўйича депозитарий функциясини бажариши белгиланган.

Эслатиб ўтамиз, аввалроқ, энди заргарлик буюмларини декларация тўлдирмасдан Ўзбекистондан олиб чиқиш мумкинлиги хабар қилинганди.