17:45 | 04.11.23
Нефт хомашёсининг барқарор таъминоти бензин ишлаб чиқариш ҳажмининг ошишига ёрдам бериши таъкидланган.
Ўзбекистонга Россиядан нефт етказиб бериш ҳажмини 2024 йилда бир миллион тоннага етказиш режалаштирилмоқда. Бу ҳақда кеча, 3 ноябр куни Россиянинг Москва шаҳрида имзоланган уч томонлама ҳужжатда қайд этилган.
Ҳужжатни Россия энергетика вазирининг биринчи ўринбосари П. Сорокин, Ўзбекистон энергетика вазирининг биринчи ўринбосари А. Аҳмадхўжаев ва Қозоғистон энергетика вазири ўринбосари Э. Аккенженов имзолаган.
Ҳужжатда келишувни амалга оширишда «Омск – Павлодар – Чимкент – Шагир» нефт қувури орқали юк ташишни таъминлашга алоҳида эътибор қаратилган.
Шартномада томонларнинг узоқ муддатли асосда 2024- ва ундан кейинги йилларда нефт хомашёси етказиб беришни 1 миллион тоннага етказиш бўйича тижорат шартномаларини амалга оширишда ҳар томонлама ёрдам кўрсатиши белгилаб қўйилган. Жумладан, нефт хомашёсининг ўзаро мақбул нархини келишиш ҳамда унинг ҳажмини оширишни ҳисобга олган ҳолда, томонларнинг мамлакатлари ҳудуди бўйлаб нефт хомашёсини тўлиқ ҳажмда тўсқинликсиз ташиш таъминланади.
Шартнома қуйидаги мақсадларни амалга оширишга имкон беради:
Эслатиб ўтамиз, аввалроқ Ўзбекистонда газ ва нефт қазиб олиш ҳажми камайгани маълум қилинганди. Шунингдек, яқинда Россия бензин ва дизел экспортига чеклов жорий қилганди.
Мавзуга доир хабарлар билан танишинг: