Украина президенти Владимир Зеленский Politico нашрига берган интервьюсида ўз юрти учун «тинчлик даври» келишини интиқлик билан кутаётганини маълум қилди.

Зеленский бу 2023 йилда содир бўлиши мумкинлигини истисно этмаган. Президентнинг сўзларига кўра, украиналиклар кириб келаётган йилда энг кучли таъсир доирага эга бўлади, «бироқ тинчлик замонида». Шу орқали сиёсатчи ўзининг Европада энг кучли таъсир доирага инсонга айлангани тўърисидаги хабарга изоҳ берган.

«Жанг майдонида барчамизни ҳимоя қилаётган украин ҳарбийлар — булар биринчи рақамли», — деган Зеленский. Шунингдек, Украина президенти «барқарорликни таъминлашга ёрдам бераётган Европадаги барча дўстларига» миннатдорчилик билдирган.

Зеленскийнинг баёноти 7 декабрь куни Россия президенти Владимир Путин махсус ҳарбий операция «узоқ давом этадиган жараён» бўлишини айтганидан сўнг янграган.

Reuters маълумотларига кўра, Россия етакчиси ядровий уруш хавфи ортаётганини айтган: «Биз ақлдан озганимиз йўқ, ядровий қурол нималигини тушунамиз».

«Бизда бошқа ядровий мамлакатлардан фарқли ўлароқ ушбу воситаларнинг анча илғор ва замонавий шакли мавжуд… Аммо биз ушбу қуролни худди устака каби силкитиб бутун дунё бўйлаб югуриш ниятида эмасмиз», — деган Путин.

Аввалроқ The Time журнали Владимир Зеленскийни «Йил одами» деб эълон қилгани, Зеленский Учинчи жаҳон урушини бошлашга уринишда айблангани, Зеленский урушни тўхтатишнинг 10 та шартини маълум қилгани тўғрисида хабар берилганди.