Ижтимоий тармоқларда эркак кишининг гўдак болага турли шаклдаги қийнаш, унинг ҳаёти ва соғлиғини хавфга солувчи ҳаракатлар қилаётгани акс этган видео тарқалганди. Болалар омбудсмани ҳолатни ўрганганини маълум қилди.

Аниқланишича, инсонийликка мутлақо зид мазкур жиноий ҳаракатлар Жиззах шаҳрида яшовчи, боланинг отаси деб айтилаётган шахс А. Б. томонидан фарзандига муттасил равишда содир этилган.

Мазкур ҳолат юзасидан боланинг онаси ИИБга мурожаат этиб, 20 декабрь куни жиноят кодексининг 110 (Қийнаш), 112 (Ўлдириш ёки зўрлик ишлатиш билан қўрқитиш) ва бошқа моддалари билан жиноят иши қўзғатилган. Ҳозирда жиноят иши бўйича тергов ҳаракатлари олиб борилмоқда.

Эслатиб ўтамиз, аввалроқ Наманганда 5 ёшли ўғлини пичоқлаб ўлдирмоқчи бўлган эркак қўлга олинганди.