ЖССТ раҳбари «Ўзбекистон соғлиқни сақлаш аълочиси» кўкрак нишони билан тақдирланди
Унга мукофотни Амрилло Иноятов топширган
Соғлиқни сақлаш вазири Амрилло Иноятов Женевада ўтаётган Жаҳон соғлиқни сақлаш ассамблеясининг 76 сессияси доирасида ЖССТ раҳбари билан учрашди. Суҳбатда Ўзбекистонда ушбу ташкилот кўмагида амалга оширилаётган ишлар самарадорлиги ва истиқболлари муҳокама қилинди. Амрилло Иноятов Ўзбекистонда соғлиқни сақлаш соҳасини ривожлантиришда кўрсатилаётган ёрдам учун Тедрос Аданом Гебреисусга миннатдорлик билдирди.
ЖССТ раҳбари ҳам Ўзбекистон тиббиётида олиб борилаётган ислоҳотларга яхши баҳо берди. Айниқса, силга қарши кураш борасида амалга ошираётган ишлари бошқа давлатларга ўрнак бўлишини таъкидлади.
Учрашув якунида Амрилло Иноятов ЖССТ билан Ўзбекистоннинг самарали ҳамкорлигини таъминлашда кўрсатган ёрдами учун Тедрос Гебреисусга «Ўзбекистон Республикаси соғлиқни сақлаш аълочиси» кўкрак нишони берилди.
