Ўзбекистонда 2022 йилнинг январь-июль ойларида 162 518 та енгил автомобиллар ишлаб чиқарилган. Бу ҳақда Давлат статистика қўмитаси хабар берди.

Қайд этилишича, ишлаб чиқарилган енгил автомобиллар сони ўтган йилнинг мос даврига нисбатан 45 146 тага ошган.

2022 йилнинг январь-июль ойларида айрим турдаги саноат маҳсулотларини ишлаб чиқариш ҳажми:

• автомобиль бензини – 662,6 минг тонна;
• кўмир – 2,9 миллион тонна;
• нефть – 452,3 минг тонна;
• газ конденсати – 757,9 минг тонна;
• енгил автомобиллар – 162 518 дона;
• автобус – 561 дона;
• юк автомобиллари – 2 510 дона;
• автомобиль двигателлари – 125,7 минг дона.

Аввалроқ ўтган етти ой ичида мамлакатда энг кўп «Cobalt» автомобили — 52 903 дона ишлаб чиқарилгани тўғрисида хабар берилганди. Эслатиб ўтамиз, «UzAuto Motors» компанияси 2022 йилда ишлаб чиқариш ҳажмини камайтириши мумкинлиги маълум қилинганди. Компания матбуот котиби Сардор Исҳоқовнинг «Bugun.uz»га маълум қилишича, 2021 йилда яримўтказгичлар бозорида кузатилган глобал тақчиллик автомобиль ишлаб чиқаришга таъсир ўтказган.