Индонезияда футбол чемпионатидаги тартибсизлик оқибатида 127 нафар одам ҳалок бўлди, деб хабар бермоқда Reuters полицияга таяниб.

Қайд этилишича, барчаси маҳаллий жамоа Аремнинг ўз уйида 2-3 ҳисобида мағлуб бўлганидан сўнг бошланган. Жамоа мухлислари стадионга тушиб тартибсизликлар келтириб чиқарган.

Хавфсизлик ходимлари ҳам трибунадаги мухлисларга қарата кўздан ёш оқизувчи газ ишлатган. Трибуналарда ваҳима ва тиқилинч юзага келиши оқибатида камида 127 киши ҳалок бўлган. Қурбонлар орасида аёллар ва болалар ҳам борлиги айтилган.

Полиция бош инспектори Нико Афинтанинг берган маълумотларига кўра, 34 киши аренада, қолганлари касалхонада вафот этган, юздан ортиқ одам турли даражада тан жароҳати олган.

Аввалроқ «Навбаҳор» ва «Пахтакор» ўйини якунида пенальти белгилаган ҳакамга мухлислар чиқинди улоқтиргани хабар қилинганди. Шунингдек, ўйин якунида мухлислар ҳисобдан норози бўлиб, намойиш уюштиргани юзасидан муносабат билдирилган.