Бугун, 11 ноябр куни соат 07:55 да Қамчиқ довонида юк машинаси ёниб кетди. «Қамчиқавтойўл»нинг маълум қилишича, А-373 автомобиль йўлининг 222-километри «водий-Тошкент» йўналишида юк машинасида ёнғин чиққан. Ёнғин сабабли шу йўналишда ҳаракат вақтинча тўхтатилган. Тегишли ташкилотлар билан ҳамкорликда ёнғинни ўчириш ишлари амалга оширилиб, йўналиш 08:44 да автомобиллар ҳаракати учун қайта очилган.

Ёнғин чиқишининг сабаби ва зарар кўлами ҳақида маълумот берилмаган.

Эслатиб ўтамиз, Қамчиқ довонида 2022 йилнинг сентябр ва ноябр ойларида ҳам юк машиналари ёниб кетганди.