Андижон вилояти Шаҳрихон туманидаги Асака автотураргоҳида ташкил этилган буюм бозори ҳудудида ёнғин содир бўлгани тўғрисида соат 23:30 да ФВБга хабар тушган, деб хабар бермоқда Фавқулодда вазиятлар вазирлиги матбуот хизмати.

20 та ёнғин-қутқарув экипажи соат 23:32 да ҳодиса жойига етиб бориб, ёнғин 26 январ куни соат 00:30 да ўраб олинган ва соат 01:53 да бартараф этилган. Ёнғин натижасида тахминан 700-800 кв.м майдон ёниб зарарланган.

Ёнғин оқибатида фуқароларни куйиш тан-жароҳатини олиш ва ҳалок бўлиш ҳолатлари тўғрисида маълумотлар келиб тушмаган. Ҳозирда ёнғин сабаби ва моддий зарар миқдори аниқланмоқда.

Эслатиб ўтамиз, аввалроқ Сергелидаги енгил конструкциядан қурилган дўконларда ёнғин содир бўлганди.