АҚШ президенти Жо Байден 2024 йили ўтказиладиган президентлик сайловларига ўз номзодини қўйишга қарор қилди. Бу ҳақда NBC телеканали хабар берди.

«Сентябрь ойида воиз Эл Шарптон билан учрасувда у президентликка иккинчи маротаба номзодини қўймоқчи эканини маълум қилган», — дейилади телеканал хабарида. Аввалроқ АҚШнинг амалдаги раҳбари иккинчи муддатга сайланиш нияти ҳақида ҳеч нарса дегаман эди.

АҚШда навбатдаги президентлик сайловлари 2024 йилга режалаштирилган. Сайлов қўмитаси порталида 26 август куни сўнгги президентлик сайловида Жо Байден номзодини расман қўллаб-қувватлаган Biden for President ҳаракатини рўйхатдан ўтказишга ариза топширилганди.

«Америка Овози» мухбири ОАВ Biden for President ҳаракатини рўйхатдан ўтказиш аризасини нотўғри талқин қилганини билдиран. Бу Жо Байден иккинчи муддатга президентликка номзод бўлиш учун ҳужжатлар топшираётганини англатмаслигини айтган эди.

Маълумот учун, Жо Байден 1942 йилнинг 20 ноябрь куни туғилган, ҳозирда 79 ёшда. У президент этиб сайланганида 78 ёшда эди — Байден АҚШ тарихида сайланган энг кекса президент ҳисобланади.

Аввалроқ Туркияда президент сайлови бўлиб ўтиши ва Эрдўғон номзоди кўрсатилиши маълум қилинганди. Шунингдек, Зеленский навбатдаги муддатга президентликка номзодини қўйиш шартини айтганди.