Сўнгги ўн йил ичида АҚШ минглаб кишидан иборат махфий армияни яратди, унинг аъзолари Пентагоннинг турли вазифаларини мамлакат ичида ҳам, чет элда ҳам амалга оширмоқда. Бу ҳақда «Newsweek» нашри икки йиллик журналистик текширувдан сўнг маълум қилди.

Нашрнинг ёзишича, махфий тармоқ камида 60 минг кишини ўз ичига олади, шу каби агентларнинг ҳақиқий сони бундан ҳам кўпроқ бўлиши мумкин. Махфий дастурга 130 га яқин хусусий ташкилотлар, шунингдек, ўнлаб таниқли ва махфий давлат ташкилотлари киради.

«Newsweek» ҳисоб-китобларига кўра, ҳар йили яширин армияга хизмат кўрсатишга 900 миллион доллардан кўпроқ маблағ сарфланади. Ушбу маблағлар, хусусан, тахмин қилинган номлар остида ишлайдиган агентлар учун сохта ҳужжатлар тайёрлаш, уларнинг номидан ҳисоб-китоблар ва солиқларни тўлаш ҳамда махсус кузатув мосламалари етказиш учун ишлатилади.

Қайд этилишича, махфий тармоқ ходимларининг қарийб ярми махсус операция кучларининг агентлари ҳисобланади. Улардан баъзилари уруш зоналарида, масалан, Покистон ва Ғарбий Африкада террорчиларни таъқиб қилишда ишлайди, лекин кўпинча улар АҚШга дўст бўлмаган мамлакатларда, масалан, Эрон ва Шимолий Кореяда ўз миссияларини бажариш учун юборилади. Яширин армия таркибига турли мамлакатларда яширин ишлайдиган ҳарбий разведка мутахассислари ҳам киради.

Нашрнинг таъкидлашича, интернетда мавжуд бўлган минглаб киберхавфсизлик ва разведка мутахассислари махфий тармоқ ичида ишлайди. Ушбу бўлим аъзолари Пентагоннинг махфий миссияларида қатнашадиган барча одамлар ва ташкилотлар тўғрисидаги маълумотларни яширишга ёрдам бериб, бутун тармоқ хавфсизлигини таъминлаш билан шуғулланади.

«Newsweek»нинг қўшимча қилишича, Пентагонда ишлайдиган жосуслар Вашингтон мунтазам равишда айблайдиган Россия ва Хитой агентлари каби бир хилда фаолият олиб боради.

Аввалроқ Россия, АҚШ ва Хитойнинг космосдаги тахминий уруши баҳоланганди. Шунингдек, АҚШ Афғонистондаги қанча ҳарбий техникасини йўқ қилгани маълум бўлган.