Тошкент вилоятидаги «Бек-Барака» бозорида ўтказилган назорат тадбирларида кўплаб норасмий тадбиркорларнинг фаолияти қонунийлаштирилди.

Вилоят солиқ бошқармаси ҳамда Иқтисодий жиноятларга қарши кураршиш департаменти Зангиота тумани бўлими ҳамкорликда ҳудудда фаолият олиб бораётган «Бек-Барака ихтисослашган савдо комплекси» МЧЖга қарашли мажмуада ўрганиш ишлари олиб борилди.

Мазкур савдо дўконларида жами 708 та тадбиркорлик субъектлари мавжуд бўлиб, уларга онлайн-НКТларидан фойдаланган ҳолда мижозларга QR-код ва фискал белгили чек тақдим этиш бўйича тушунтириш-тарғибот ишларини олиб борилди.

Ўрганиш ишларининг биринчи кунида 555,6 миллион сўм савдо тушумлари назорат-касса машинаси хотирасига кирим қилинди. Хатлов жараёнида 267 та савдо дўконларида 5 нафар фуқаро давлат рўйхатидан ўтмасдан ноқонуний равишда фаолият юритиб келаётганлиги аниқланди ва 4 нафар якка тартибдаги тадбиркор ҳамда 1 нафар юридик шахс давлат рўйхатидан ўтказилди.

Эслатиб ўтамиз, Сергели машина бозорида орган ходимлари томонидан олиб борилган тадбирда давлат бюждетига 2,3 миллиард сўм солиқ ундирилгани ҳақида хабар берилганди. Олиб борилган 3 кунлик тадбир натижасида бозорнинг савдо тушуми жами 18,5 млрд сўмни ташкил қилиб, январь ойи ҳолатига кўра, савдо марказидаги тадбиркорлардан давлат буджетига 2,3 млрд сўм солиқ тушуми йўналтирилиши таъминланган.