Шу йилнинг 4-8 январ кунлари Chevrolet дилерлик марказларида режалаштирилган инвентаризация ишлари олиб борилади. Бу ҳақда компания ўзининг Telegram’даги расмий саҳифасида хабар берди.

Маълум қилинишича, инвентаризация ишлари сабабли 8 январгача бўлган даврда автомобилларни ўз эгасига топшириш вақтинча тўхтатилади. Инвентаризация ишлари якунлангандан сўнг, дилерлик марказлари фаолияти тўлиқ ҳажмда қайта тикланади.

Эслатиб ўтамиз, аввалроқ UzAuto Motors шартнома қилинган машиналарга тўлов муддатини узайтиргани хабар қилинганди.