UzAuto Motors компанияси Янги йил муносабати билан шартнома қилинган машиналарга пул тўлаш муддатини узайтирди. Бу ҳақда компания ўзининг Telegram’даги расмий саҳифасида хабар берди.

Келтирилишича, компания харидорларга қулайлик яратиш мақсадида 2023 йилнинг 25-27 декабр кунлари тузилган шартномалар бўйича тўловни байрам кунлари муносабати билан 2024 йилнинг 10 январ кунигача узайтирган.

Эслатиб ўтамиз, аввалроқ Cobalt, Damas ва Labo’га 22 декабрдан бошлаб онлайн контрактация очилиши хабар қилинганди. UzAuto Motors кейинроқ, ушбу машиналарнинг 2024 йилдаги ички бозорга йўналтирилган ҳажми учун нечта шартнома тузилганини маълум қилди.

Шунингдек, UzAuto Motors қатор машиналарга имтиёзли кредит ажратиши мумкинлиги тўғрисида Bugun.uz ўз манбасига таяниб, компания бу режани Ўзбекистондаги банклардан бири билан йўлга қўймоқчилиги ҳақда хабар берилганди. Бундан ташқари, UzAuto Motors агар харидор беш кун ичида автомобилини дилерлик марказидан олиб кетмаса, машина навбат тартиби асосида кейинги мижозга берилиши тўғрисида аҳолини огоҳлантирганди.