UzAuto Motors компанияси яқин вақт ичида қатор автомобиллар – Tahoe, Traverse, Equinox вa Onix машиналарининг савдосини оширишни режа қилган. Bugun.uz манбасига кўра, компания бунинг учун Ўзбекистондаги банклардан бири билан ҳамкорликда имтиёзли кредит шартларида келишувга эришиб, шу турдаги автомобиллар сотувини бошлашга қарор қилган.

Эслатиб ўтамиз, аввалроқ «Ўзавтосаноат» АЖнинг маркетинг бўйича масъул раҳбари Сардор Таджиев маркетинг сиёсатини самарасиз олиб боргани ҳамда аҳоли учун автомобилларни олишда қулай кредит шароитларини яратиб бермагани сабабли ишдан олиниши мумкинлиги ҳақда хабар берилганди. Шунингдек, UzAuto Motors 22 декабрдан Cobalt, Damas ва Labo’га шартнома беришни бошлагани, соат 12:00 дан бошлаб учта автомобилларнинг бутун ҳажми учун онлайн контрактация очилгани ҳақда хабар берилганди.