Иш ҳақи учун тўлаб берилган маблағларнинг энг катта улуши мактаб таълими соҳаси ҳиссасига тўғри келди. Бу ҳақда Иқтисодиёт ва молия вазирлиги хабар берди.

Ҳисоб–китобларга кўра, давлат бюджетидан мактаб ходимларига 2,3 триллион сўм, соғлиқни сақлашга 1,5 триллион сўм, мактабгача таълимга 423 миллиард сўм, олий таълимга 91 миллиард сўм тўланган. Бошқа соҳаларга эса жами 2,4 триллион сўм йўналтирилган. Тўловларнинг 3,9 триллион сўми (59,2 фоизи) республика, 2,7 триллион сўми (40,8 фоизи) маҳаллий бюджет ҳисобидан амалга оширилган.

Ҳудудлар кесими бўйича энг кўп иш ҳақи Тошкент шаҳридаги давлат ташкилотлари ходимларига тўланган — 1,5 триллион сўм. Энг кам тўловлар эса Сирдарё вилояти (196,9 миллиард сўм) ҳиссасига тўғри келган.

Маълумот учун, Ўзбекистон бюджетига 3 ойда крипто-провайдерлар томонидан 36,2 млрд сўм маблағ келиб тушган.