2023 йилнинг октябр ойида Бош прокуратура томонидан Тошкент вилояти Тошкент туманидаги «Дархон» илмий тажриба хўжалиги (халқ тилида Дендропарк) ҳудудида дарахтларнинг нобуд қилиниши, ер ажратиш ва ундан фойдаланиш қоидаларининг бузилиши юзасидан жиноят иши қўзғатилган эди.

Экология вазирлиги матбуот хизматининг хабар беришича, айни пайтда «Дендропарк»даги ноқонуний эгаллаб олинган бинолар суд қарори асосида бузиб ташланмоқда.

Маълумот учун, мазкур ҳолат юзасидан Жиноят кодексининг 198 (Экинларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) ва 205 (Ҳокимият ёки мансаб ваколатини суиистеъмол қилиш) моддалари билан жиноят иши қўзғатилган.