Бош прокуратура Департаментнинг хабар беришича, Наманган вилоятининг Наманган шаҳрида электрни яширинча ўғирлаганлар ушланди.

Айтилишича, «Ҳудудий электр тармоқлари» АЖ вилоят ҳудудий филиали томонидан фуқаро А.Ю. шаҳарнинг «Ҳақиқат» МФЙ ҳудудида жойлашган компютер ўйинлари маркази биносини ҳеч қандай ҳужжатсиз тижорат мақсадида умумий фойдаланишдаги электр тармоғига ўғирлик йўли билан улаганлиги аниқланган. Натижада, умумий қиймати 158,7 миллион сўмлик электр ноқонуний ишлатиб юборилган.

Ҳолат бўйича Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари олиб борилмоқда.

Эслатиб ўтамиз, Самарқандда банкоматни ўғирлаган шахслар ушланганди. Шунингдек, Фарғонада шифохонадан телефон ўғирлаган аёл қўлга тушганди.